In ricordo dell’amico saggista e poeta Aldo De Gioia, scomparso il 24 febbraio 2020

A SALVO D’ACQUISTO
di Aldo De Gioia

Guaglione d’Antignano
carabiniere
era graduato
vice brigadiere,
D’acquisto Salvatore,
anima ardente,
è stato salvatore
‘e tanta gente
‘A vita se levaje,
a dette a ll’ate,
a Palidoro
murette fucilato.
“Mammà, nun chiagnere!”
dicette certamente,
“Puro si moro
salvo chi è nnucente!”
E nuje dicimmo mò,
doppo tante anne,
ca nun si muorto,
nò, nun murarraje,
k’esempio ca c’è dato
è forte assaje!
A S.Chiara sempe
sta ‘na luce,
‘na lampetella
sotto a chella croce,
appiccia ‘o ffuoco ‘mpietto,
appiccia ‘o core,
è stato troppo grande
Salvatore!

Poesia scritta il 10 giugno 1990 premiata con il Trofeo Città di Napoli.